കോട്ടയം താഴത്തങ്ങാടി തളി ശിവക്ഷേത്രം
തെക്കുകൂര്‍ രാജ്യത്തിന്‍റെ ഒരുകാലത്തെ രാജധാനി ആയിരുന്നു
താഴത്തങ്ങാടി തളി.ടൗണില്‍ നിന്നും 3 കിലോമീറ്റര്‍ പടിഞ്ഞാറു
മാറി ഒരു കുന്നില്‍ ഇന്ന്‍ വളരെ പഴക്കമുള്ള ശിവക്ഷേത്രം കാണാം.
പണ്ട് കോട്ടകള്‍ക്കും കൊത്തളങ്ങള്‍ക്കും അകത്തായിരുന്നു ഈ ക്ഷേത്രം.
അതിനാള്‍ തളിക്കൊട്ട ക്ഷേത്രം എന്നറിയപ്പെട്ടു.
ക്ഷേത്രത്തിനു വടക്കായിരുന്നു കോവിലകവും കച്ചേരിയും
ഠാണാവും( കാരാഗൃഹം)കോട്ടയുടെ പടിഞ്ഞാറാണ്
താഴത്തങ്ങാടി വള്ളം കളി നടക്കുന്ന മീനച്ചില്‍ അഥവാ ഗൗണാര്‍
(കവണാര്‍).നദിക്കരയില്‍ അങ്ങാടിയും കമ്പോളവും ഉണ്ടായിരുന്നു.
മികച്ച വാണിജ്യ കേന്ദ്രമായിരുന്ന ഇവിടെ നൂറുകൊല്ലം പഴക്കമുള്ള
മുസ്ലിം പള്ളിയുണ്ട്.ഹബീബ് ദീനാര്‍ എന്ന സിദ്ധന്‍ പണികഴിപ്പിച്ച്
പള്ളി.പള്ളിക്കു സമീപം അദ്ദേഹത്തിന്‍റെ കബര്‍ കാണാം.
വ്യാപാരത്തിനു വന്നു താമസ്സമാക്കിയ ഗൗഡസ്വാരസ്വത ബ്രാഹ്മണര്‍
ശിവക്ഷേത്രത്തിനു സമീപം വെങ്കിടാചലപതിയുടെ ക്ഷേത്രം പണി
കഴിപ്പിച്ചു.പതിനേഴാം നൂറ്റാണ്ടില്‍ ഇവിടെ ഒരു ഡച്ച് വിദ്യാലയം
ഉണ്ടായിരുന്നു.
ക്ഷേത്രത്തില്‍ എണ്ണ നല്‍കാനായി കടുത്തുരുത്തിയില്‍ നിന്നും ഉപ്പൂട്ടില്‍
എന്ന കൃസ്ത്യന്‍ കുടുംബത്തെ തെക്കും കൂര്‍ രാജാവ് ഇവിടെ കൊണ്ടു
വന്നു എന്നു പറയപ്പെടുന്നു. കൊല്ലവര്‍ഷം 725 ല്‍ അവര്‍ക്കു പള്ളി പണിയാന്‍
സ്ഥലം നല്‍കി.
തളി ശിവക്ഷേത്രം മേജര്‍ ക്ഷേത്രമാണ്.രണ്ടു നിലയില്‍ ചെമ്പു മേഞ്ഞ ശ്രീകോവില്‍.
മാഞ്ഞു കഴിഞ്ഞ ചുവര്‍ ചിത്രങ്ങള്‍.വടക്കു വശം ഒട്ടകത്തിന്‍റെ ചിത്രം.കേരളര്
കോതവര്‍മ്മര് എന്ന തെക്കുംകൂര്‍ രാജാവിന്‍റെ പേരു കൊത്തിയ മിഴാവ്
ഇവിടുണ്ട്.പടിഞ്ഞാട്ടാണ് ദര്‍ശനം. പരശുരാമന്‍ വിഗ്രഹപ്രതിഷ്ഠ നടത്തി.
നാലമ്പലത്തിനു പുറത്തു തെക്കുകിഴക്കായി ഭദ്രകാളിയുടെ ദാരുബിംബം.
No comments:
Post a Comment